香港有個海洋公園，沖繩都有個海洋博公園。
海洋博公園係沖繩必去景點之一(只限第一次去沖繩的人)
因為入面有一個美ら海水族館，而美ら海水族館入面又有一個全世界第二大嘅水槽『黒潮の海』，
所以有好多人(包括我)都要黎睇下呢個『黒潮の海』究竟有幾大。
海洋博公園位於名護，如果係那霸出發就差唔多要2個鐘車程，要行曬成條沖繩自動車道。
因為海洋博公園係熱門景點，所以去到名護差唔多每一個路口都會有路牌指示，好容易去。
另外泊車方面，除了有一個室內多層停車場，另外都有多個室外停車場分佈係公園唔同位置，
而且係免費，建議泊室內停車場，因為比較近美ら海水族館同埋沖繩真係好曬，有室內一定泊室內。
因為時間唔係幾夠用關係，所以我地直接去美ら海水族館，而冇行到公園其他部分。
美ら海水族館係收費項目，而門票可以即埸買，但係我地係OTS租車時買左，因為平D。
(上圖係公園入面嘅消暑設施)
美ら海水族館嘅主角係鯨鯊，所以一入到門口就已經見到佢。
當然，除左鯨鯊，仲有好多其他野睇。
根據網上資料，美ら海水族館有近750種，共28,000隻海洋動生物，數量驚下。
睇完前菜，係時候要睇下『黒潮の海』，
『黒潮の海』係一個超大魚缸，入面有好多種唔同海洋生物，當中最引人注目就一定係鯨鯊。
終於見到真身，真係嘩一聲。
潛水員係清潔緊塊玻璃，唔知係咪刻意安排比你睇下條鯨鯊係幾大條。
呢個位係最多人停低睇。
遊覽完水族館後，係時侯食LUNCH，
今日就PLAN左要食百年古家 大家，
因為呢間野有唔少書同埋BLOG介紹，又亦都係係名護，所以就決定食呢間。
由水族館去大家車程大約係40分鐘左右，途中要經過一條小路，駕車人仕要比較小心。
叫得百年古家 大家，當然就真係有番咁上下歷史，
根據網上資料，餐廳係由2001年開始經營，
但餐廳建築就係明治34年(即係1901年)興建，本身係民居黎，
係2001年修葺後改為經營餐廳。
一到達就見到非常古色古香嘅建築，超過一百年歷史建築物我諗可以稱為古蹟，
係古蹟入面食麵真係第一次，
因為當時已經差唔多3點，所以唔洗等位就入得，
我地就被安排坐日式位(跪坐)，真係唔係幾慣咁坐，就咁樣食都就緊加古色古香。
午市佢有好多唔同SET，
我地就揀左沖繩麵個SET，有沖繩麵、有味飯同三款小食
沖繩麵係用AGU豬，雖然唔知道同普遍豬有咩分別，但呢碗D豬肉都好好食，炆得好入味。
個有味飯都幾好食，有D似菜飯。
百年古家 大家
名護市中山90
MC:206 745 055
Tel: 0980-53-0280
營業時間: 11:00 - 22:00 (17:00-18:00 落埸時間)
美ら海水族館 (海洋博公園)
名護本部町字石川424
Mapcode:553 075 474
Tel: 0980-48-3748
Comments