由那霸出發大約一小時就去到，海人食堂位於恩納， 香港旅遊書好少介紹海人食堂，呢間野係台灣人打既blog到， 好多人都大讚魚生飯好正， 同埋都想去啲真係好食，唔係旅遊書賣廣告既食店。
到達目的地泊好車，就見到好靚既海，由於食堂隔離就係漁港， 每日都有好多新鮮魚！天氣好好，好熱，係度食野係無冷氣， 不過懷著旅行同埋對住咁靚景既心情，熱都唔怕啦！
首先自己要去買飛先，選擇唔多，出名既當然係都屋の海人丼 ¥1030 另外都叫咗得とく丼 ¥1030，之後要係單寫低自己個名， 當有得拎既時候會叫你個名，自己去拎返個餐！
入面點餐位除咗點餐之外，仲有新鮮魚賣，亦有天婦羅蝦可以買， 當然都買黎試下，然後可以出去出面揀個靚位等攞餐。
天婦羅蝦仲好脆，大大隻，啲蝦好爽，唔錯！
等咗十分鐘，終於可以開餐啦，
「都屋の海人丼 」啲刺生真係好新鮮，墨魚一啲都唔腥， 海葡萄咸咸地，好似蟹子卜卜卜既感覺，蝦又係好甜，Mr. Lo話靖魚都好食， 吞拿魚無筋，一個字"鮮"
「得とく丼」見到呢個餐好驚，驚係因為原來有兩碗飯，但張圖見唔到係兩碗飯， 而且兩碗都大碗，分別係刺生飯、另一碗好似麻婆豆腐咁既飯， 重點碗湯不是面豉湯，而係墨魚汁湯，黑色的，未必每個人可以接受到。
一路食一路望住一蘿蘿魚係船網上岸，仲有日本電視台拍攝同訪問緊漁港既人。
一個餐份量好多，連男人都食唔曬，唔洗驚細細碗會唔夠飽。 最後食完自己要攞返餐盆比佢，無人幫你收野嫁！
去沖繩又係自駕遊真係好推介大家黎呢度食！
恩納読谷村字都屋33番地
MC:33 792 450
Tel: 098-956-1640
Comments