去台北除咗食牛肉麵之外，仲有麻辣火鍋都係必食！ 經過網上一番搜尋，有好多選擇，最後都揀咗馬辣.... 之前已經上網訂左位，如果唔上網訂應該都無得食， 好多人都唔知點上網訂，去到官網右上角有個"我聽你講" 可以係個度打你想訂邊間，幾點，幾多位，會email確認， 只要print返張確認信就ok嫁啦！
雖然有限時食兩小時，但又唔會趕你走，其實時間都好足夠， 比起香港食任食火鍋，呢度又抵食（NT548）又好食， 訂咗六點，但去到已經有好多人食，先選好個湯底，我地㨂咗麻辣+醉雞 醉雞會另外分開一碟雞上。
之後㨂牛肉/豬肉，就可以自己出去夾野食， 食物種類好多，有丸，菜，海鮮(蝦，蟹，帶子，蜆，魚)仲有一啲特別野.. 食物refill得好快，唔洗同人搶食
飲品都係任飲，有台灣啤，汽水，果汁，最特別既係有花茶， 最後食到飽飲返杯花茶幾好！
甜品方面有奶凍，果凍，乳酪，當然唔少得Haagen Dazs同Movenpick雪糕... 水果有菠蘿，蕃石榴，芒果，車厘茄，西瓜....
兩個人食完都捧住肚走，比個建議大家先，記得book定位， 可以既話book早小小，食完出面既舖頭都未關門，行下消化下。
價錢★★★★★ (計返都係二百蚊唔洗一個人，有任食任飲，仲要唔係cheap野，refill快）
環境★★★☆☆（都有小小嘈，枱與抬之間幾逼）
味道★★★★★（好食，多選擇，實有野岩食）
整潔★★★★☆
等候時間★★★★★（如果上網訂咗位就唔洗排隊)
服務態度★★★★☆ （快手，唔會黑口黑面）
Comments